هلا مرحبا في دار شيخ المروات
هلا بدار سلطان الكرم دامه الله
هلا بسيدات العز في ارض الأمارات
لهن ينبت الشعر بوروده وفله
هنا نختصر بالود كل المسافات
وعهد العروبة نجتمع تحت ظله
هنا نختصر بالعزم كل الصعوبات
كتاب الظفر والمجد نفتح سجله
رعاية جواهر للنساء المجيدات
على قدرها تعطي ثبوت وادله
نساء العرب ساس الفخر والبطولات
ربيع الحياة ومنبع الخير كله
لهن في شواهيق المجرات رايات
وتقديرهن فوق الثريا محله
أساس التقدم للأمم والحضارات
ودرب النجاحات بعزمهن ندله
تسامن من الرفعة لكبد السموات
وعدن مواقيع النجوم والأهله
لهن فالتحدي والتنافس علامات
يصيبن هدفهن في شموخ وجبله
خذن في منصات التأهل مقامات
فعلهن يفوز وكاس الانجاز شله
بروح رياضية و ود وتحيات
عطن بالبطولة درس كل يجله
