كلمات اغنية نفسي أعيش - نور الدين الطيار


راضي بحالي ونفسي اعيش
بس الدنيا مرحمتنيش
انا والحزن بقينا صحاب
عايش ساكت ومبشكيش

شكلي بجد لوحدي هموت
بقي للدمع ف عيني بيوت
طعم الوحده ف قلبي مرار
ايام صعبه ومش بتفوت

دوقت الغدر كرهت الناس
ساكن راسي مليون وسواس
نفسي اغمض عيني وانام
واصحي أغير ف الاحداث

قلبي عجوز شايل ف هموم
م التفكير مبدوقش النوم
نفسي أتغلب ع الاوجاع
نفسي اعيش مبسوط ليوم

عدي الوقت سرقني وراح
ساب جوايا عذاب وجراح
نفسي اقول لعذابي وداع
منه تعبت ونفسي ارتاح

اشكي اهاتي ووجعي لمين
عيشت بداوي ف جرحي سنين
عايش محسوب م الاموات
ميت محسوب م العايشين

كلمات نور الدين الطيار