قل شي لاتسكت واناساكت معك
لا تنتهي الدنيا وحنـا ساكتين
ابخـتنق لوماتسولف واسمعك
الى متى برا السوالف واقفين
تمنعني الشرهه و ش اللي يمنعك
اقلها ابد بسلام المسلمين
كانك تشوف ان اعتذارك يوجعك
لا تعتذر بس ابتسم والله يعين
لو هو خطاي ان كان لرضاك اتبعك
ما اتركك من قبل لا راسك يلين
امسك يدك ومن الزعل اطلعك
وافتح من ابواب الرضا لك درفتين
ماعاد قلبي في غيابك يوسعك
في كل يوم يزيد قدرك مرتين
بسم الذي ميزك عندي ورفعك
وجهي وماه وداعتك يابن الذين
