انت لو خليت للعشره مقام
كان ماحطيت لأحلامي قبر
اصغر حقوقي ماتقطعني السلام
واكبر احلامي تعوض لي العمر
شفت فعيونك من الوحده كلام
بس ذابحك الكبر ماتنكسر
مستعد اعلن عشانك الانهزام
إنتصر ياجعل غيرك ما أنتصر
الوجع في كل غصه
ياحرام تموت قصه
ما بعد زدت بعتابك
ليه زايد في غيابك
اطلق التفكير عنك
وارجع الاقيني منك
انت لو تدري بشعوري
كيف ميت في حضوري
انت مثل الراعد البارق
بينيك وبين البشر فارق
انت في خانه وهم خانه
ياخي ارجع لي ولاتفارق
مابقى الا دمعة احداقي
والأمل في رجعتك باقي
رجعتك مثل المطر تحيي
تزهر اشواقي من اشواقي
ذبلت الضحكات فغيابك
الرجا والياس في بابك
والعطور اشمها لكن
مابي الا اللي على ثيابك
