وعدتيني سوا نبقئ انا و انتي وعـدتينـي
ولكـن ما بـقـالـي غير جـرح مـنـك ما يبـرا
بعيش العمـر في غربه مدام انك خذلتيني
صبرت الين قلبي مل منك ومل من صبره
أكابر وابتسم واخفي الألم ويبان في عيني
حزين ولو تحمـلت الألـم خانـتـنـي العـبـره
صراحه ماتوقـعـت انك تسـوي كذا فـينـي
يا طـول اليوم و اليله ويا مبعد علي بكـره
رحلـتـي لا وداع ولا فـمان اللـه تـركتيـنـي
خلفتي ما وعدتيني عليه و خنتي العشـره
خطاي اني جعلت احساس قلبي لك يوديني
وخطاك أكبر من اني ادمحه وانساه من كبره
فقـدت الحكي لامني سمعتـه منـك يغـريني
ماكن المبـسـم الا عقد لولو في وسط جمره
وحشني قدك و كلك على بعضك وحشتيني
و احـن لطـلـتـك قـدام عـيـنـي بـس لـو مـره
عيونك شـاقني من لحـظـها نظـره تكفينـي
و نون عيونك الي شاقني محتاج لي نظره
خساره مابقى شـي سـوا هـمـي يـواسيـنـي
أكن بصدري الونه و جرحك بي على خبـره
مـعـاد يهـمنـي حـب كوى الكبد و شراييني
لـو ان الـشـوق لك بـيـن الحنايا ما برد حره
وداعا لا لـقـا بعـده بيجمـع بـينـك و بـيـنـي
فمان اللـه يا حـب رحـل مـانـي بمـنـتـظـره
