يارب تكون بخير
دى أهم حاجه عندي
بعديها حاجات كتير
إنسى الزعل وعدي
بَعدك فضي المكان
وإتقفلت البيبان
يارب تكون تمام
اما لقيتك واحشني
قلت أبعتلك سلام
وأقول لك ليه حارمني
م الطيبة والأمان
وحبيبى بتاع زمان
ياما سافرت معاك وجيت
وأدي صور على كل حيط
عمرك ماتقول نسيت
أنسى مين
حب عمر وذكريات
بينا عشرة وأمنيات
وإحنا لسه للى فات
مشتاقين
هاكون معاك صريح
مانسيتشى ثانيه واحدة
بعدك فى ايه مريح
بقى راحتى ف أى وحدة
ب أهرب من الجميع
الفرقه شىء فظيع
بتابعك من بعيد
واللى ف قلبك واصلنى
مش حافضل اقول وأعيد
لو فاضى ياريت قابلني
وإختار انت المكان
مكانا بتاع زمان
