طلبتك يا غلا روحي بلا تاخير
مسافات الحنين تعانق وصالك
على شوفك من اللهفة خفوقي طير
كأن نبضه من الاحساس غنالك
صحيح اني سهرتك والاماني بخير
على ما تحب بوحي قد تهيالك
مدا عمري بغيابك يا حبيبي اقصير
لجل شوفك ورود العمر تحيالك
اعيشك في غياب خانه التبرير
ولكن القدر قد قصر حبالك
انا والليل ونجومه علي تنير
ولا بانت به القمرا على جالك
قضا الموعد وادور للقا تدبير
معي بعض الاماني تجدد امالك
وانا لي بمسرح عيون اللقا تصوير
مشاعر شوقها مرت على بالك
عسى القا من أحلام الوله تفسير
من دلال الوله محتاج فنجالك
احبك كلمة عن موجز التعبير
خيال يرسم الجنحان لوصالك
