1- زيها مين
حلوة وبتحلي اى مكان وتنوره
والله ما تلاقوا زيها لفوا الدنيا ودوروا
دى جمالها معدى واللى يشوفه بيقدره
والله ما تلاقوا زيها
زيها مين بتهزروا
تؤمر تتأمر ماهى دى اللى عليها منمر
طبعا حقها تدلع تتبغدد قوى تتمنع
قصاد الغمزه احنا تلامذه قصاد المشية احنا الحاشية
ودى السلطانة وتتسلطن نغنى معاها ونتسلطن
قصاد الغمزه احنا تلامذه قصاد المشية احنا الحاشية
ودى السلطانة وتتسلطن نغنى معاها
ليل يا عين ياليل يا عين يا ليل
عين يا ليل يا عين يا ليل يا عين
ليل يا عين ياليل يا عين يا ليل
عين يا ليل يا عين يا ليل ياعين
يا عين يا ليل يا يا ليلة
يا ليل يا عين يا ليلة
يا عين يا ليل يا ليلة
يا ليل يا عين يا ليلة
الورد اتنقى بالواحده عشان خدها
يا جماعة مش ممكن لأه دى لا قبلها ولا بعدها
مبتدلعشى ماهى دلوعه لوحدها
الرقه يا ناس ربانى ربانى يا ناس بعدها
انا مش هاتكلم انا رافع ايدى مسلم
القد يا ناس يتدرس منه الغزلان تتعلم
دانا مش هتكلم انا رافع ايدى مسلم
القد يا ناس يتدرس منه الغزلان تتعلم
2- لو هتسيب
حبيبي وأنت ماشي خد معاك حكايات
وخد مواضيعنا والذكرى اللي عشناها
ونبقى إرتاحنا والأوجاع قسمناها
بلا متاهة
حبيبي وأنت ماشي خد معاك حكايات
وخد مواضيعنا والذكرى اللي عشناها
ونبقى إرتاحنا والأوجاع قسمناها
قفلناها
ولو هتسيب موافقك عادي بس تسيبني بشروطي
متتعبنيش كأنك ناوي على موتي
وبدل قلبي ده بقلبك وبعدها غيب
ولو هتسيب موافقك عادي بس تسيبني بشروطي
متتعبنيش كأنك ناوي على موتي
وبدل قلبي ده بقلبك وبعدها غيب
عايزني يا حبيبي أخلي بالي من مين
أخلي بالي من نفسي وليه يعني
وبتقولهالي وأنت خلاص مودعني طب اقنعني
عايزني يا حبيبي أخلي بالي من مين
أخلي بالي من نفسي اللي سايباني ورايحة وراك
علشان ملهاش حبيب تاني دا أنا هعاني
3- تك
حبيبي داس على قلبي تك
وأنا يا ناس كده ع المحك
ومابقاش في عندي شك
خلاص ملكني هواه
ده أنا مشيت علشانه عكس
على زمان علمت اكس
ولو اعيش وياه في حبس
هقول دي أحلى حياة
بدوب ادوب ادوب من عينيه
وانسى روحي بين إيديه
قلبي داب م اللي اسمه إيه
وخلاص مسلّم ليه
حبيبي داس على قلبي تك
وأنا يا ناس كده ع المحك
ومابقاش في عندي شك
خلاص ملكني هواه
أنا زمان كان عندي كبر
مابمشيش للحب شبر
ليه مابقاش كده عندي صبر
وليل نهار بناديه
ياما سنين عِشت في قلق
قابلته الموضوع فرق
كده خلاص لموا الورق
ده مافيش كلام بعديه
بدوب ادوب ادوب من عينيه
وانسى روحي بين إيديه
قلبي داب م اللي اسمه إيه
وخلاص مسلّم ليه
حبيبي داس على قلبي تك
وأنا يا ناس كده ع المحك
ومابقاش في عندي شك
خلاص ملكني هواه
4- طالع موضه
تيجي سيرتها قلبي يدق، أديني قلت كلمة حق
دي حبيبة قلبي ديا .. وماله ما تتدلع عليا
لو أنا منها يعني أتغر، ياما عليا عدّى ومَر
ومشفتش أحلى منها، عيونها الحلوة مميزينها
ده جمالها طالع موضة
براءتها مش موجودة
ماعرفش جايبة الجمال ده منين
ده جمالها طالع موضة
براءتها مش موجودة
وفي الرقة مش هتلاقي اتنين
تيجي سيرتها قلبي يدق أديني قلت كلمة حق
دي حبيبة قلبي ديا .. وماله ما تتدلع عليا
عليها رمش زي السهم وضحكتها أصلاً وهم
دي اللي مافيش فيها غلطة
تجنن .. من الآخر دي فلتة
ياما قصادها أنا اتوترت
وياما في الكلام كتّرت
علشان تفضل شوية
بتمشي وقلبي يلوم عليا
ده جمالها طالع موضة
براءتها مش موجودة
ماعرفش جايبة الجمال ده منين
ده جمالها طالع موضة
براءتها مش موجودة
وفي الرقة مش هتلاقوا اتنين
تيجي سيرتها قلبي يدق أديني قلت كلمة حق
دي حبيبة قلبي ديا وماله ما تتدلع عليا
5- عرض مستمر
بُعده مش مجرد غياب
عرض مستمر العذاب
مش فراق ده موت بالبطيء
مين هيتحمل ويطيق
الحنين يهد الجبال
والوجع فوق الاحتمال
يمرض الجسم من السهاد
تتكسي الدنيا بالسواد
وسكاكين في القلب ماسكين
عيني يا قلبي يا مسكين
جرحي مابيعرفش تسكين
ومتمكن مني تمكين
نار يا ناس في قلبي تقيد
نار يدوب قصادها الحديد
شيء كبير وفارق كتير
عقلي هيروح من التفكير
ذكريات بتفتح جروح
والندم ألم لم يروح
يا مصاحبني وجع ساحبني
زي ما بتتسحب الروح
وسكاكين في القلب ماسكين
عيني يا قلبي يا مسكين
جرحي مابيعرفش تسكين
ومتمكن مني تمكين
الحنين يهد الجبال
والوجع فوق الاحتمال
6- يا فاتني
ياااا يا فاتنّي شوق آسرني طال غيابك
يااااه ليه تفارق قلب عاشق دق بابك
يا ناسي عمري ومالك أمري
تعبت قلبي من عذابه
ومين بيقسى وعادي بينسى
حبايبه لما عنه غابوا
يا ناسي شوقي وحنيني
يا ريتني أنساك
ياااا يا فاتنّي خدت مني قلبي هاته
يااااه مين بإيده يعني ينسى ذكرياته
هواك غلبني ليالي سايبني
ما بين دموعي واشتياقي
وبتلاحقني ويا تلحقني
يا تقضي ع اللي مني باقي
يا ناسي شوقي وحنيني
يا ريتني أنساك
7- ظلموني
اللي أنا في القلب
شايلهم شُفت أنا منهم مليون وش
وأما أشكي ساعات للناس ما لاقيش غير كلمة طب معلش
وآدي آخرة اللي يصدق حد بجد الناس بتغش
ظلموني ظلموني ظلموني
لأ قال إيه وجايين يلوموني
من وسط الجنة اتشديت شد لحد النار وسابوني
وأتاريني ضيّعت سنيني ع اللي شايفهم قدام عيني
بيبيعوا الحب بقسوة قلب بأرخص سعر رموني
ماقابلتش حد حنين م اللي بشوفهم في الأفلام
في الوش حبيب والضهر غريب الطيبة دي في الأحلام
لو عندك كلمة حق شوف هتبيعها لمين وبكام
8- ولا ليله من لياليك
موضوع فراقك عني مش سهل وبسيط
مطرح ما أروح بلاقيك قوام على بالي جيت
إياك تصدق فكرة إن انت اتنسيت
أنساك ده إيه!
ده أنا عقلي مش مستوعب إننا غير زمان
مين كان يصدق يوم مايجمعناش مكان
خليتني أحاسب نفسي وفقدت الأمان
بتسيبني ليه!
ولا ليلة من لياليك
يا حبيبي من لياليك
مش عارف أعيش غير بيك
ده أنا سكني جوه عينيك
على طول بفكر فيك
والدنيا واقفة عليك
يا حبيبي
كده بعد أحلى غرام
مابقاش ما بينّا كلام
طب كنت قوللي وداع
طب كنت قوللي سلام
فين راحت الأحلام
دلوقتي مين يتلام
يا حبيبي
ازاي ماتوحشنيش وشمس هواك تغيب
كل أما بسأل حد بلقى جواب غريب
حتى اللي قالوا كل شيء قسمة ونصيب
ماريحوش
مش عايز استسلم لخوف أو لاكتئاب
بقفل بيبان الوحدة بالناس والصحاب
جوايا نار وبعيش حنين قبل الغياب
ماعرفتهوش
ولا ليلة من لياليك
يا حبيبي من لياليك
مش عارف أعيش غير بيك
ده أنا سكني جوه عينيك
على طول بفكر فيك
والدنيا واقفة عليك
يا حبيبي
كده بعد أحلى غرام
مابقاش ما بينّا كلام
طب كنت قوللي وداع
طب كنت قوللي سلام
فين راحت الأحلام
دلوقتي مين يتلام
يا حبيبي
9- يا نسيم
يا نسيم حبيبي نسّم.. يا جماله لما اتبسّم
وأما ناداني بإسمي يا عيني مزيكا وبتقسّم
ده غريب ده مش معقول.. الحُسن اللي على أصول
مصروفله جمال وقبول يدخل قلبك على طول ويتحكم
يا نسيم حبيبي نسّم.. يا جماله لما اتبسّم
وأما ناداني بإسمي يا عيني مزيكا وبتقسّم
ده جميل وشوفوا عينيه.. وقليل كلامي عليه
مصروفله دلع ورواق يا جدع وطبيعي قصاده هستسلم
ده يروح مكان ما يروح.. ياخد العيون والروح
مصروفله جمال عدى المسموح ويطير العقل لو سلّم
10- بنفارق
بنفارق وده اللي تاعبنا
بنفارق حاجات جوانا سنين
بنفارق ولا عارفين هنعيش اللي جاي يا قلبي لمين
أحلى سنين اللي كانوا معاه
بعد ما راح قلبي راح وياه
ولا اتمنيت بعد منه حياة
أحلى سنين اللي كانوا معاه
بعد ما راح قلبي راح وياه
ولا حبيت نفسي إلا معاه
من خوفي بقيت مبخافش
من وجعي الوجع مبقاش موضوع
لا أنا بشكي من اللي أنا فيه
ولا ببكي عشان خلصت دموع
11 - ردوده غريبه
ردوده غريبة كل ما أواجهه يتبرجل
ويعمل فيها متأخر ومستعجل
واقولّه في سري هي دي حاجة تتأجل
حبيبي بقى قول ماتتعبنيش
ده بيلمّحلي بس أنا عايز أتأكد
يقولها بصوته ويريحني ويأكّد
دي حيرة إيه وليه قاصد ومتعمد
يسيبني في نار مابتسيبنيش
ردوده غريبة غريبة غريبة غريبة
ردوده غريبة غريبة غريبة غريبة
يا خوفي بجد لا يكون شكي في محله
ويبقى حاببني بس البعد أسهلّه
في ناس م القُرب بيخافوا وبيملّوا
وفي أسباب مابنقولهاش
طب أعمل إيه لو ألقى الظروف بتمنعني
وأسمّي ده إيه أكيد إحساس مالوش معنى
ساعات الحب يعمينا ويخدعنا
وياما حاجات مابنطولهاش
ردوده غريبة غريبة غريبة غريبة
ردوده غريبة غريبة غريبة غريبة
12- عايزك تسمعني
عايزك تسمعني ومش عايزك تعذرني ولا تسامح
صدقني مانمتش لا دقيقة ولا ثانية من امبارح
إحساس وبينطفي تدريجي
بتغيب وأما بتيجي
مابحسش فرق كبير
وخلاص مابقاش اللي ما بينّا
يستاهل نستنى
ده احنا اتأخرنا كتير
أنا بيني وبينك خطوة
وكل واحد في مكان
مابقيتش بحس بنفس اللهفة وحب زمان
وأنا مش هستنى إني أخونك يوم ولا أتخان
أصعب لحظة بتعدي عليا في عمري بحاله
كان عمري ما أصدق يوم نوصل للي احنا وصلناله
مين دول أنا وانت بقينا غيرنا
من جوه اتغيرنا
وبقيت مابتشبهنيش
لا هقول أنا مظلوم ولا جاني
في حل مالوش تاني
إننا في البعد نعيش
13- مش قادر أنسى
معقولة أهون عليك
يا حبيبي أهون عليك
وجه اليوم اللي أنده عليك
يا حبيبي ما تسمعنيش
مش واحشك اللي فات
ده ما بينّا ذكريات
وعمر بحاله مش ساعات
ما تظلمنيش
مش قادر أنسى
بداري مهما أداري في بالي لسه
طوّلت في الغياب
أنا هقبل العتاب
تعالى وسيب ما بينّا باب ما تقفلهوش
يمكن غلطت فيك
أو قلت حاجة ليك
في زعلي ساعات بقول كلام ما بقصدهوش
مش قادر أنسى
بداري مهما أداري
في بالي لسه
14- متعودناش
ماتعودناش نصعب ع الناس
كلمة معلش بتجرحنا
بنقول ناسيين علشان نرتاح
بس ولا نسينا ولا ارتحنا
أنا وانت هنبقى لمين غيرنا
وهنهرب فين من تفكيرنا
من امتى بنقدر ع النهايات
وأنا وانت حياتنا في مشاعرنا
ولا شوق بيقل مع الأيام
ولا قوة قلب هتنفعنا
أنا وانت إن عِشنا لسنة هنعيش
كما لو كنا في لعنة
