صباح النور صباح الخير
كلي أمال وربي كبير
إن شاء الله يجيب التيسير
لي غادي يخدم وحمله تقيل
لي غادي يقرا وحلمه كبير
ربي معكم إن شاء الله خير
رزقي كيعيط وعلي ينادي
نجيب طرف الخبز أنا لأولادي
ديما قانع واخا بالقليل
وباغي نقرا ونخدم بلادي
نولي طبيب ولا قاضي نفرح معايا الوالدين
الرزق الحلال ما يعرفو بحقو غير الرجال
درويش ودراهمِ قلال الرجولة ماشي بالمال
سمعني مزيان لا تكون غافل يا فلان
را الدنيا غير الإمتحان ودايزا كيف الحلامة
إلا طحتي عاود نوض وقف وكمل
مغربي أنا وعندي حلم كبير
تيق في راسك وعلى حد ماتعول
قول للعالم صباح الخير
يا ربي شوف من حالنا
وعلى بالك وقفنا
إستجب لنا دعوتنا
جات فينا وسمحنا
شحال بكينا ومسحنا
حنا طالبين غير الهنا
ودازو أيام ودازو أعوام
وبدات الحياة كتزيان
صباح اليوم بدل الأحوال
لي كان يخدم را حمله خفاف
لي كان يقرأ را طبيب يشافي
صباح الخير عري الكتاف
الرزق الحلال ما يعرفو بحقو غير الرجال
درويش ودراهم قلال الرجولة ماشي بالمال
سمعني مزيان لا تكون غافل يا فلان
را الدنيا غير الإمتحان ودايزا كيف الحلامة
إلا طحتي عاود نوض وقف وكمل
مغربي أنا وعندي حلم كبير
تيق في راسك وعلى حد ماتعول
قول للعالم صباح الخير
