إجا الليل ونطرتوا
لحتى نام الليل
رجعت القمر صالحتوا
قلتلو وينو وين
إجا البرد ولا قيتوه
وضليت ببردي سنين
واساني الياسمين وقال
بعده على وعده
قلتلو طول كتير
قالي لا بعده
وقفي يا دموع العين
تبكي على خدو
قصص كتيرة
وقلوب كتار
ضلوا يبكوا على باب الدار
شي عم يكتب
شي بيحن
وشي من الشوق قلبه بيجن
رح نتلاقى بشي نهار
والقمر منا بيغار
تلاقينا وكانت عينيك
تحكي حب كتير
والساعة كانت عم تمرق
راحت على بكير
وقلبي طار من الفرحة
كأنه طفل صغير
قصص كتيرة
وقلوب كتار
ضلوا يبكوا على باب الدار
شي عم يكتب
شي بيحن
وشي من الشوق قلبه بيجن
رح نتلاقى بشي نهار
والقمر منا بيغار
