جاهز
اخوض التجربة من جديد
اغامر دون سقف وقيد
أحب ثاني بلا تحديد
ولكن وينها
جاهز
أدش بـ طوفة المكتوب
أحب وأنجرح وأذوب
حبيب وتجربه ومحبوب
ولكن وينها
ومدري
بصادفها كذا باحساس
فـ مقهى مزدحم بالناس
او شاطي بلا حراس
أدور وينها
جايز
وانا ادور كذا مره
بتجمعني بها نظره
تكون اقرب الى الشفرَه
وصعب كودها
وجايز
ألاقي اللي ابي بالذات
شبيهة روحي فـ الجينات
تشابهني حكي وسكات
ومودي مودها
ومدري
طبعها بيشبه لطبعي
بتفهمني كثر ربعي
بتفهم ضحكي ودمعي
أدور وينها
