يا حبيبي
عناب
صاصا
الله عليك
إسند ضهرك وإقعد
إتفرج على عمك
بس قبل أما تقعد
أنا جي أحرق دمك
أنا حافظك وقاريك
ما تحورش عليا
يا إبني أنا مربيك
خد بصلي في عينيا إبلع
إبلع خد دي
لو جي منك فأنا هرازيك
أنا الكاريزما أنا الكبير
جامد وشيك بطل تغير
غل زيادة مني وده باسطني
أكتر شيء عاجبني إني عاجبني
عينك باصة ليا وبتراقبني
إرحمني شوية حلني يا إبني
إحنا جينا كله يريح
واللي يكتر مش هيروح
إحنا لسه ما ريحناش وسط عالم كله مريح
اللي فات ده يا دوب تسخين
واللي جي ما فيش ليه مثيل
إحنا لسه على وضعنا هنسكت أي تخين
اللي أنا شايفه من عينيك إن أنا كبير عليك
طيب بالعند فيكو هفضل قاعد مرازيكو
خدوني صورة بروزوها ع الحيطان وعلقوها
وقولوا ده الكبير بتاعنا وبوسوا فيها وإحضنوها
أنا جيت ريح إنت يالا
إنت إتخضيت وشك كله قلب
أبطالكو فين الأبطال دي ورق
من نظرة عين كله مني إتحرق
اللي عاجبني فيا اللي فيا مش بقوله
العنّاب في الملعب فضوا السكة وسعوله
عنده خمسة ستة جنبه بقوا يطبلوله
إهدى بس خمسة رزمن حبة فوق يا لولو
ما تجيش تعمل بطل إوعى تسوق الهطل
من دماغي ماسحك كارت الـ Memory فصل
مش ماشية بشياكة مش هتمشي عسل
كله جنبي إختفى عناب اللي فضل
في كل حتة لينا بصمة أو علامة
محبوب وجوة قلوبكو أنا من الإقامة
الصاصا صعب زيه في يوم إنك تلاقي
أما أنا لو دورت منكو كتير هلاقي
إحنا جينا كله يريح
واللي يكتر مش هيروح
إحنا لسه ما ريحناش وسط عالم كله مريح
اللي فات ده يا دوب تسخين
واللي جي ما فيش ليه مثيل
إحنا لسه على وضعنا هنسكت أي تخين
عناب
صاصا
أردني
كاستلو
