ياللي على شان حبك صار روتيني
مشتاق لك حيل لو الشوق بكاني
وشلون مغليك وانتي روعة سنيني
ياملهمة شاعرك ياعذبة الحاني
لايدخلك شك وانتي كل مافيني
يفداك قلبي واحاسيسي وشرياني
ماغيرك احد ملكني يانظر عيني
ولاغيرك انسان يامرني وينهاني
ودي ابين غلاك وبينك وبيني
ماودي الناس تدري وش ورا الثاني
في غيبتك كن مابه من يسليني
واليا حضرتي حضورك يبعد احزاني
ياوردة الجوري بوسط البساتيني
يازهرة العمر ياعطري وبستاني
لاغبت لاتسئليني كنت انا ويني
انا بجوفك اعيش العمر نسياني
من وين ماودك تودين وديني
انا معك لين يفنا عمري الفاني
وان ضاق صدرك من الايام ناديني
انا اتحدا ظروفك لو تحداني
