انته اول واحد بالدنيه
يحبني هواي وكلبه عليه
كلبي حجاره يصير بدونك
لو ما اشوفك كل يوميه
نسبة حبك فوك المية
انت هواي مأثر بيه
عندي عيونك تسوه العالم
وهذا الكلته كله شويه
غيرك ماعندي انه أي احد
يالعابر كلشي ومالك حد
تفرق عن الناس هوايه
وعن العالم حبك وحد
اكثر شي بالدنيه اتمنه
وجهك بس ما ابعد عنه
مو حلوه بدونك ايامي
فراگك نار و يمك جنه
انته اول واحد بالدنيه
يحبني هواي وكلبه عليه
ابيض واسود جان بدونك
لون العالم قبل عيونك
يم الناس العاقل اني
بس بيني وبينك مجنونك
مو بيدك شي اكبر منك
مرات تحب غصبا عنك
من تشوف انسان يحبك
بفرحك وبجرحك وبحزنك
متأكد طبعا مو يمكن
يمك شفت الدنيه تجنن
من وجهي الناس يعرفوني
حبك بيه هواي امبين
وحدك عيش بكلبي وتسكن
وغيرك اقبل لا ما ممكن
معذوره ومتأمن روحي
بس بيك انت هوايه تأمن
انت اول واحد بالدنيه
يحبني هواي وكلبه عليه
