يأخذني الطاري ويأخذني الشوق
ويصير مخزون الخــلايا طـواري
والي طواه البين ما عاش مرموق
ولا تجيه الأمنيات اختياري
ماهي بلحية كل مطرود ملحوق
البعد قاسي واليالي مساري
ياما سهرة اليل ما غمض الموق
مع هاجسي مابين بايع وشاري
للي عيونه سود والعنق منتوق
ياما عليه اشفق واهوجس وداري
يزهاه عقد الماس والتاج والطوق
سلم بدوي فااخر وطابع حضاري
شيهانة غنا لها الحب طاروق
تعشق سنا القمرا وجرد الصحاري
ما رأفت بحال من العام مفتوق
وانا العزيز الي ما هان انكساري
ماجيتها غره ولا جيتها بوق
حشاء ولا جتبي هبوب الذواري
امثل اني شخص ماني بمطفوق
وأعدي أحلامي اضهور الكباري
لو دون خفاقي شرايين وعروق
كنه يعرض مرهفات الشباري
والجرح لا حول على القلب من فوق
يبين فـي حــال المعنا مـواري
والوجد لا ربع ورا كل معلوق
نتايجه والله ماني بداري
