أنا إعتبرتك شئ ماجاش
والفتره ديه ماعشتهاش
أنا إعتبرتك وهم كان
و شلت صورك م المكان
أنا إعتبرتك حد مات
نسيت خلاص كل اللي فات
أنا إعتبرتك وقت ضاع
بَعدك ماحسيتش بضياع
و عايزني أرجعلك
ده عشم إبليس ف الجنه
دنا بعدك قلبي إتهنى
خلصت ولا فيه حاجه بنا
مش فاضيه أسمعلك
ولا يفرق عندي كلامك
لأ مابقاش عالي مقامك
هو ده اخرك و تمامك
أنا ف غيابك بالي راق
ريحني والله الفُراق
بقيت ف عيني واحد غريب
وكل شئ قسمه ونصيب
ياريت تشوف حالك عشان
مابقاش هيجمعنا مكان
أنا اللي عندي قولته ليك
بقيت بشوفني كتير عليك
