لما شوفت الخير قليل والشر انتشر
لما شوفت الغل واضح ف عيون البشر
لما الفرح بين الحزن و الهم اتحشر
قولت اخف الجدعنه واقل خيرى
لما كل الناس باعتنى و برخص التراب
لما الدنيا حطت قفل قصادى ف كل باب
ولما اديت للكل فرحه واترد بعذاب
قولت لازم ابقا حد تانى غيرى
مطلوب تغيير
بستورد تقدير
الجدعنه شحه من السوق من كتر التصدير
محتاج جدعان
موجوع تعبان
كلها قدامى بتتمسكن ومحدش غلبان
ده كلام ف كلام
تمثيل افلام
انا هحكم ع الطيبه غيابى تنفيذ اعدام
جوايا صراع
فى دماغى صداع
وبدور ع الطيب جويا انا علشان ضاع
قبل ما ابقاحد جارح كنت ابان ضعيف
كنت واحد هادى جداً من جواه نضيف
قالو عنى بيحور عايش دور الشريف
قالو عنى انى فيا عيوب كتير
بعد حبه شافو منى وش ماحبوهوش
واكتشفت ان الدنيا دية غابه للوحوش
لما شافو منى قسوه سكتو مكملوش
بعد ماكنت انا الصغير شافونى الكبير
معذور معذور
اه هكون مغرور
لازم اعلى عليهم قبل ماهما يعيشو الدور
كسبان كسبان
مش طال خسران
اصل الناس ملهاش كتالوج ولا ليها ضمان
لو كنتو اخوات
هتبان علامات
كنت الاقيكم واقفين جنبي انا ف الازمات
بايعين بايعين
انتم خاينين
حلوين من بره لكن من جواكم وحشين
كل ما تبقا النيه صافيه تملونى بسواد
برنامجكم فى المحبه فاشل فى الاعداد
لو عايزينى ابقا جاحد قلبي ع استعداد
اللى عاوز منى جرح هديه مكسفوش
الف مره قولت اصونكو بس الكل خان
صاحبي باعنى عشان مصالح جاتلو ع السخان
واللي شافنى تراب انا سهل اشوفو دخان
والدخان تاعبلى صدرى مبشربوش
