الموضوع و ما فيه
في جنيه تساوي جنيه
ما احنا بقينا ف زمن القرش و كله بيجري عليه
طنشوا راحة البال
علشان راحة المال
ما الغدر عامل شغل تقيل و الإخلاص مش شغال
النفس الأماره
خدعتهم يا خسارة
لما اتغمت عينهم
قالوا على الحب تجارة
يا خسارتك يا طيابه
النفخه الكدابه
دي الموضة الغلابة
و هتروحوا فين يا غلابه
احنا ف زمن الكاش
ساوا اللي مايسواش
باللي معزز نفسه
و بقي يتباع ببلاش
لو شايل و معاك
كله هيبقي معاك
حتي ان دوست عليهم
هيقولوا دوسنا فداك
راح زمن الجدعان
زمن اخلص تتخان
كله هيخلص بس ف حالة لو جيبك مليان
صنف البني ادمين
كله بقي الوشين
كله بيعمل طيب و الطيب يلاقيها منين
ياغشامتك ياللي انت لسة جدع زي ماانت
اصل طيابتك ديه دلوقت اكبر غلطة
اصل سلامة النية دي بقت حالة نفسية
لو عرفوا انك طيب
يكتبولك أدوية
