لمني من جروح الوقت والانهيار
لاتخليني بدرب الوله والحنين
والله ان داخل ضلوعي جروحً كبار
مابرت لو بسم وجه الزمن والسنين
بعد فقدك غدى حالي ضياع ودمار
وبعد فقدك نزف جرحي وباح الكنين
وبعد فقدك عرفت الفقد والانكسار
وعشت ابشع تلاويع الشعور الحزين
مابقى درب ماجيته وصالة مطار
كنت اسافر من الضيقه ولا ادري لوين
راح عمري وانا لك جاري الانتظار
وانت حاجه ماتاتي في العمر مرتين
انت باوصافك تشابه شموخ المهار
وفيك من غنجها بخطواتك وزدت لين
خذت عين المهاة وخذت ندر الحرار
فيك حلو الطباع وفيك من كل زين
كان باقي عشم للحب ياذو الخمار
ردلي لاتضحك فيني الشامتين
خلني معك اجرب لذة الانتصار
خل عمري بقربك ياغناتي يزين
