اسابق طلعتك يالنور قبل لا توصل عيونه
قبل تغفى صباح الخير على كتفه ويستأذن
ألا عل وعسى يمكن قبل لا تغمض جفونه
اكون اخر أحد شافه وأجي فحلمه لو أمكن
واسامر طرفه الناعس واقول الغالي وشلونه
يجاوبني كسل حرفه بخير ابشرك شكرا
قليل فحق خلي لو ابيع الدنيا من دونه
لأنه مابخل في يوم على قلبي ولا قد من
وإلى منه صحى بكره تلون دنيتي بلونه
يزيّن كل شيٍ كان في عيني ماهو متزيّن
تهليبه مساء الخير لأنه فارق بكونه
ويتبسم حبيبي لين خجل وجناته يبين
