إحساسي معاك إني في جنة
والدنيا إتخلقت علشانا
دا أنا حتى كلامك يا حبيبي
أنا سامعه في ودني بيتغنى
واليوم دا أنا مستنيه يجي
هات حضن أنا مش قادر أستنى
مسكني إيديك وإفتح قلبك
دا أنا حبيت قلبي عشان حبك
وحياتي ما عيشتش يا حياتي
أنا عمري هيبدأ وأنا جنبك
إحسب أول يوم في حياتي
أول ما هبوسك من خدك
من الليلة هنبدأ حكايتنا حواديتنا
وهنبقى أنا وإنت على راحتنا، على راحتنا
وبراحتنا
والناس فرحانة لفرحتنا
وهناخد الدنيا في حتتنا ناحيتنا
يا جمالنا أنا وإنت وحلاوتنا وحلاوتنا
يا طعامتنا
والناس فرحانة لفرحتنا
أشكرلي الظرف اللي جمعنا
خليت لحياتي شكل ومعنى
أنا حاسس جنبك يا حبيبي
إن العالم كله بتاعنا
ما تقولي بحبك يا حبيبي
ونخلي العالم يسمعنا
لو رحت مكان وإنت معايا
الجو بيجي على هوايا
وعينيك لما بتيجي في عيني
بتصحي الأشواق جوايا
مش قادر أحوش عنك عيني
ولا بشبع ولا قلت كفاية
من الليلة هنبدأ حكايتنا حواديتنا
وهنبقى أنا وإنت على راحتنا، على راحتنا
وبراحتنا
والناس فرحانة لفرحتنا
وهناخد الدنيا في حتتنا ناحيتنا
يا جمالنا أنا وإنت وحلاوتنا وحلاوتنا
يا طعامتنا
والناس فرحانة لفرحتنا
