من دعولي الله يرزقك وصدفة شفتك
لونت عمري انت جيت ب دعوة حلوة
وكلشي فدوة الخاطرك تدري
اعيش احبك للابد ترضى واذا ماترضى
والعشك يكبر الك مثل العمر كل لحظة
انت محتل كل جزء من الكلب كل نبضه
واليحب مثلك بشر ياويلي كاعد حظه
من لمحتك كلبي سلم
يعني مغرم اني من نظره
انسى روحي وانت يمي
وتبقى حلمي الكلبي ينتظره
يارزق عمري اعترف روح وشكل عاجبني
ماخذ افكار الكلب كل الوكت شاغلني
ياملك روحي وصعب غيرك ثواني يهمني
يعني شتمنى واجه شخص المناسب حبني
وكل حياتي تبقى الاول
والمفضل انت وعيونك
يعني وحدك كل فرحتي
وسر ضحكتي واتعب بدونك
تعرف اكثر شي حلو بعمري وصلني بوكته
واغلى اشياء الكلب اني اعترف بس انت
يارزق عيني وكلام الحب الك حضرته
واعتذر عن كل غزل باقي وبعد ماكلته
