بكلم نفسي وانا ماشي
وعامل نفسي مش سامع
ده الكلام اللي بنقوله
خلاص لو طلع مش راجع
واقول حاجات عشان اهون
بس خلاص مش نافع
بقيت سايب نفسي لليل
وما عنديش أي مانع
عايم تايه
ايامي دابت
ليه انا عارف اني غلطان وما باتغيرش
وبتعب نفسي وبهاتي
دورت كتير ومش لاقي
كتير مصايب قاعدة تيجي وما باتأثرش
ده كل شوية انا بفتكر ان راحة البال أكيد جاتلي
ماسك نفسي بس خايف لا تكون الضلمة بتندهلي
انا عشت طول العمر معمي وفاكر ان الغلط عندي
واتاري الدنيا كانت عايزاني مصحصح وانا مغمي
