جاني وهو لينٍ واشتد جيته على الشده الشده
اخذني الزم من اللابد واخذته أقصر من المده
معه احس بفخر واعتد وهو بعد معي من قده
علاقتي فيه جزر ومد وذاك هاته وذا وده
خلاني بوهم ومجرد وخليت له عالم وبده
واعدني وجيت بالموعد طلبني وقلت ما ارده
عطيته العيد والمولد وعشاق وأحباب وموده
وهو عطاني قليل الود ومصعرٍ دايم خده
اجبرني اقول له محتد من نفس عافت ومحتده
والله ماللمشاعر غد القلب عاصي وما وده
عشقت يوم الهوا من جد و زهدت دام الهوا لده
علمني الجرح كيف اصد صديت والصده الصده
