عظيم إحساسي ومن الشوق فيني شي ما ينقال
وفقير الحب قدام اللي بين ضلوعي لك شلتـه
أحبك كثر ما تـسري بشراييني و تجي ع البال
وكِثِر ما في خـفـوقي لك كــلام ما بعـد قلـتـه
سألتك بالذي جابك بعد حزني وضيق الحال
في قلب من شقا الأرض إلسما الإحساس وصلته
وميزك بجمال طاغي وضحكة تجيـب الفـال
من أجمل منك وإنت اللي ختمت الزين وكملته
يا ثقل الوقت من دونك وانا ايامي بلاك طوال
والأطول منـها شوق ..غريب إني تِـحملتـه
تغـلا يا بعدي كلـي مسير الوقت مهما طال
يـبـل ريـق المواصل من لـقانا اللي تـأمـلتـه
شعوري لك مِتِل نقش يخلد في مدى الأجيال
واحبك حب تـاريخي...ويذهلـك إن تِخيلتـه
تشوف إحساسي ذاكله وكل مافي القصيد إنقال
في صدري عشرة أضعافه كلام ما بعَد قلتـه
