ياقريب الرجاء يامن علينا رقيبي
اجبر بخاطر اللي ف الزمن ماتهنا
اسألك جود فضلك واجعله من نصيبي
وان وردت القراح إملاء من العد شنا
ضايق الصدر عاو ن بين الأضلاع ذيبي
تالي عصير غيبة شمس والليل دنا
شمس الاحزان عيت فالشفق ماتغيبي
طال هم المفارق وعذاب المعنى
هجرعي ياحمامه فاقده لك صحيبي
راحت ابه المنايا الهوج منا ومنا
علته عجز فيها من نحسبه طبيبي
حار يلقا دواها والمولع يونا
كلما مرت الذكرى طرا لي حبيبي
ساجي الطرف غيره ف الملا ماشحنا
اه ياويل حالي واه ياطر جيبي
غادي من سبايبها سواة المجنى
صار وضعي معاها ف المحبه صعيبي
كل ما اسويتها ماجت على ماتمنى
هاك مني الرسايل ودها يانديبي
بلغ اشواقي لزاهي الكفوف المحنى
قله ان صورته عن ناظري ماتغيبي
بين الاجفان زوله ف العيون استكنا
يارجاء المشتحن لكون تسمع نحيبي
كان حسيت بلي في حشا الصدر كنا
للاسف ياهوا البال استغليت طيبي
شفتني راضي بظلمك وفيه اتهنا
ارحم الدرك لايصبح معه منك ريبي
يدخل الشك في قلبه مع الريب ظنا
