بين ريشة عمالة و ريشة بطالة
بحرت و بزحف في القيالة
تطلع بنيئة و أنا بقصب
بتن و تربيط فاسي بيضرب
و بقسم في موارسي و أحواضي
ما بسيبش دقيقة تروح ع الفاضي
ما بسيبش بلاط و لا تدييلة
تلقيط جورة طول الليلة
م الفجر الأرض أنا ببدرها
و قناية المية بتغمرها
في بينا وبين الارض لغة
محدش غيرنا بيفهمها
وما بينا حكاوي كتير وسهر
بتكلمنا وبكلمها
هيا بتخدمنا برزق حلال
واحنا بقلوبنا بنخدمها
اسوان لقصر ونوبة وسينا
في ناس مننا عينها علينا
ومنين ما نروح يبقوا معانا
فاهمين ومساندين بامانة
وصعيد دلتا وسواحلية
اكلين علي نفس الطبلية
ما هو ارضي دي عرضي وراس مالي
فيها رزقي وفيها رزق عيالي
