يإذيك ويرضي بجرحك ويسيبك في الحزن تعيش
يإذيك وتستحرم تعبك يرسى علي مفيش
تستنى عليه وتقول هيفوق
وان مرة فكرت تعاتبه تطلع محقوق
يإذيك وترسم بسمة علي جروحك تداريها عليه
يإذيك وتكدب علي روحك وتشوف بعنيك
تفضل تديه وتجمل فيه
وتقول فيه حاجة لو اتعمليت جايز ترضيه
هاتهون عليك نفسك هاتهون عليه برضه
كان لك حياه قبله وفيه حياة بعده
الخير ماجاش منه يبقى بلاش منه
لم اللي باقيلك وابعد خلاص عنه
تفضل موقف عمرك متعشم هيحس في يوم
وليالي مش سايعك دنيا ولا سايعك نوم
وعدك ومجاش ولا مات ولا عاش
وتبص بعديها لروحك ومتعرفهاش
تيأس وتصعب يومها عليك نفسك وتقول يا فراق
تبعد وتلقي خلاص قلبك مابقاش يشتاق
تسأل بعدين كان عقلك فين
تندم ساعتها انك جنبه ضيعت سنين
هاتهون عليك نفسك هاتهون عليه برضه
كان لك حياه قبله وفيه حياة بعده
الخير ماجاش منه يبقى بلاش منه
لم اللي باقيلك وابعد خلاص عنه
