يفز قلبي لا لمحتك وبسم الله عليه
يسرّع افصدري النفس ويكسر اضلوعي
يدق دقه أحس الأرض تهتز فيه
وأحس تدري الناس واتحس بوجوعي
ياماخذي مني ومني انا خذ ما تبيه
لاقول جيتك جبر ولا جيتك ابطوعي
عطرك الا مر ابطريقي يناديني واجيه
احاول أمسك نسمتك وأشعل بها اشموعي
كل العطيا هدايا لك ياوجهٍ ارتجيه
لو كان تقبل عيوني لك ومعها دموعي
جيتك وقلبي وأنا نبغاه قلبك نشتريه
جيتك وقلبي ثمن لا تكسر اخضوعي
