كلمات اغنية يشهد الله - فؤاد عبدالواحد


يشهد الله ماني عنك يا الزين لاهي
انت جو المشاعر بحرها وبرها
وين ماراحت احس انه عليك اتجاهي
زيدني شوق غيض النار ياحرها
عن جميع الملا فارق وبارق وزاهي
يا سنا جوهر الفتنه ويادرها
منك سحر العيون الذابلات السواهي
وفيك دنيا الجمال اودعت سرها
يافريد الحلا هي حالتي مثل ما هي
لك وفيك وعليك انشغال امرها
من عرفتك ولا مخلوق شد انتباهي
وحدك اللي تسر العين وتقرها

كلمات فؤاد عبدالواحد