لي محبا صار لي مده
ودي بلقواه وبشوفه
له غلاه ولي غلا عنده
واسمحتلي باللقا ظروفه
انتباهي والفكر شده
فارقن عن جملة ضيوفه
لي عذابي من سبب وده
ذقت طعم الحب وصنوفه
عن وداده مامعي رده
لي بقلبي ناقش حروفه
لو تصاح يدي بيده
ما على الباقي من حسوفه
خذ ملامح من ظباء الجدة
وع الغواني تفرق وصوفه
المباسم ثلج في ورده
يانعة ماهي بمقطوفة
وكن أشعة ليزر بخده
لو عليه الحجب مرضوفة
ويادله فوق المتن هده
كاعبا رويانه اطروفه
صابر وصبري بلغ حده
ومني الأفكار مخطوفة
بس أحسب الوقت واعده
وانتظر جوده ومعروفه
