يا صاحبي وش فيك قاعد لحالك ليش انت متغير ومشغول بالك
صارحني قاسمني عناك وهمومك ما أطيق أشوفك متعب الهم حالك
يا صاحبي ضاقت على الليالي باللي شغل قلبي وفكري وبالي
خوفي أسولف وأخسر انسان غالي يا أخسرك او أخسر اللي في بالك
يا صاحبي وش فيك
يا صاحبي مهموم
ما أطيق أشوفك متعب الهم حالك
حيرتني واحترت باللي تقوله وان كان عندك سر بالله قوله
ما عاش من يخسر غلاك بسهوله ولا عاش من يقطع بعمره وصالك
خايف أقول وأصدم احساس قلبك واحد لعب بي في الغرام ولعب بك
هو حبني وانت تفكر يحبك لا هو وفا لحبي ولا هو وفا لك
يا صاحبي وش فيك
يا صاحبي تعبان
ما أطيق أشوفك متعب الهم حالك
يعني أنا وانت بهالحب ضعنا ! واللي نحبه يا حسافه خدعنا
مثل غرامه وأتقن الدور معنا والغدر طال احساس قلبي وطالك
هذا الذي هو صار بينك وبيني وأسهر عيونك في غرامه وعيني
كلمة أحبك اللي تجي لك تجي لي والشوق نفس الشوق جاني وجالك
يا صاحبي وش فيك
والله تعباان
ما أطيق أشوفك متعب الهم حالك
يا صاحبي مهما تكون الحقيقه أو تشتعل بالقلب مية حريقه
أنا من اللي صعب يخسر رفيقه لجل المحبه او أبدل بدالك
وأنا من أجل الحب ما أخسر رفيقي ولا أغير عن طريقه طريقي
واللي جمعني معك حب حقيقي لك ما تبي حتى حياتي فدالك
يا صاحبي وش فيك
لا لا لا يهمك
ما أطيق أشوفك متعب الهم حالك
