النهارده يا حبيبي هبقي ليك وتبقي ليا
وبكره انا هفتّح عنيا
والاقيك حبيبي بين ايديا
ونعيش سوا اللي حلمنا بيه
النهارده يا حبيبي الفرحه جيه تنادي ليا
كل العيون بتبص عليا
في كلام كتير باين فعنيا
مكسوفه احكيلك عليه
فرحانه ياحبيبي فرحه
وطايره في السما ورايحه
معاك لبيت جميل حلمنا بيه
بهوانا يبقي احلي جنه
وحبنا يكبر مابيننا
معاك حبيبي عمري هبتديه
كنت بحلم ياحبيبي واقول يارب اقبل دعايا
تبقي ياحبيبي معايا
وابتدي معاك الحكايه
حلم كنت مصدقاه
بص بعنيك ياحبيبي شفت فرحة قلبي
عامله ازاي بجد ومش مجامله
انت بالنسبالي احلي
مفاجئه حصلت في الحياه
