بشتكي لك يا رب وأنته خبير
عالم بما فالصدور من مشكلات
مفرج الكرب ملاذ المستجير
ناصر المظلوم من يور الطغاة
خلت انا زوله في حزة عصير
وموق عيني بالمدامع ذارفات
ليت هالدمعات تدعيني ضرير
لجل ما اشهد على لحظة وفاة
اه وا حالي ترى اصبح خطير
من فراق الخل لي باهي الصفات
بو شعر ضافي على متونه حرير
والعيون بهن حور وناعسات
افترق خلي وباعد بالمسير
افترق دون الموادع والوصاة
افترق اللي مقامه فالضمير
لي له عيوني حاربت لذة مبات
دون شوفه لا ونيس ولا سمير
غير طيفه بالليالي الحالمات
ونتي ونات ميروحن كسير
كأنه معلق وسط موت وحياة
تصدح الدمعات من موقي وتثير
حزني اللي قيل في يوفي وبات
حزني عالفرقى ترى حزنن مرير
لـو أغبي الحزن بكثر مجاملات
