شوفني كل ماطراك الشوق أسأل
ليه ماتسأل إذا شوقك طراني
قلت لي لاغبت عن عيني ابزعل
قول والله ماسمعتك قول ثاني
في كلامك كل شي في الحب يسهل
لكن الواقع أنا منك أعاني
ايوه ايوه السهر العشق كمل
إنت تستهبل ي ليت انك مكاني
أتصل بك دايم واكتب وأرسل
ماترد وهاتفك ماقد قراني
حطني صامت أنا ماعدت أحمل
لك شعور وماوصل منك كفاني
وابتعد أكثر لأن البعد أجمل
وخلني مابين شعري والأغاني
العطا لو مايجي من قلب يفشل
والبلا فيني إذا بعطيك ثاني
