ابزعمه ارجع له بعد كل ماصار
والله ما ارجع له ولانيب راجع
مادام لي عزه لنفسي ومقدار
ما ارضى بتقليب الحزن والمواجع
ينساني أحسن له ويختار وأختار
درب الفراق ودونه الدرب واسع
ماعاد عندي وقت تبرير واعذار
ومانيب لاشايف ولانيب سامع
حب بدل حب ودار بدل دار
لاعين تبكي له ولانيب جازع
المسأله كبرت وصدماتي كبار
في وقت حسن الظن ماهوب نافع
وماتلتقي بالحب جنه مع نار
بيني وبينه فرق والفرق شاسع
وأن حب غيري ماتجرعت الأمرار
بالعكس ماعندي لو يحب مانع
