طول الحياه شارب اسي من اي حد عرفتو انا
ده الكل باعني بالرخيص والضيقه بتبين
مليون سلام علي خان العشره قدام ربنا
دول جرحو قلبي وجرحهم جامد مهوش هين
مريت انا ب أصعب ظروف وماحد شالني ف شدتي
كلو خلع كلو مشي وفضلت انا وحدي
ورضيت بجرحي وكنت انا عايش ف حضن وحدتي
شكرا يا دنيا عرفت مين فيكي الي كان سندي
بس كلو عارف الي ليه والحساب هيجمع الي فات
لو ف بينكو راجل اشتريه مهما كان ف سعره الوفات
كان منايا احكي واشتكي بس قلبي من سوادكو مات
لما كان معايا كلو كان جمبي كلو راسم الحنان
عشت فاكر ان ليا ضهر كنت مدي ليكم الامان
بس لما راحت الفلوس كلو راح معاها كلو بان
الناس خلاص مبقتش ناس والكل علي قلبي داس
والغلطه كانت غلطتي اني مأمنهم
الصحبه جابتني ورا وخدت درس لكن خلاص
انا فقت واتعلمت وبعدت خلاص عنهم
عايش وحيد لكن سعيد احسن ماكون بين غدارين
كل الي خان قلبي زمان رميتو ورا ضهري
عمري ما اكرر غلطتي وارجع واحن ل تعابين
دا الحب راح والكل بيمصلح ومش دوغري
عمري كلو ضاع وكلو راح عشت طول حياتي ف الجراح
لما تبقي وسط ناس كتير تيجي لحظه تلقي كلو ساح
خلو قلبي والله مش بخير لاء وايه بيطلبو السماح
لما ربي فك ضيقتي عني والحياه هتحلي رجعو تاني
قالو كنا غلطانين معاك قلبك ابيض انت مش اناني
قلت بعد ايه خلاص منا حد تاني غير الاولاني
لساني انا طيب ولسه جوا قلبي خير كتير
بس الحياه ادتني درس وفقت انا لنفسي
طيب لكن للطيبين الي قلوبهم فيها خير
يادنيا بكفايه الم وكفايه بقي تقسي
الغدارين هكون معاهم حد تاني قلبو مات
راح الي كان طيب زمان يالي جرحتوني
الدنيا بتلف اوام كل الي فات بقي زكريات
والله لاموزع عذاب علي الي باعوني
يالي وسط ناس كتير ولمه اوعي تفهم انهم حبايبك
ممكن ان شخص يبقي جمبك وحده بس يملي كل
قلبك
مش بكتره الي جمب منك يكفي شخص بس يبقي حبك
