في ساقيه
ودورنا
نصيبنا
قدرنا
وتوهنا
في دنيا ما ليها وصف
طريقنا
بيلف بينا لف
الساعه السابعه
بصحي وبفتح عيني
بقول ياريت يا دنيا تجربي
الليله تراضيني
بكوي و بوضب
معاد نزولي قرب
بهرب في سكوت طويل
وأنا في سيجارة الصبح بشرب
تمانية نازل علي السلم
انا وابن جارتي
قالولي لما تكبر
هصحي وانام براحتي
بيضحكوني
لو كنت اخدت جنيه
من كل الناس اللي نصحوني
كان زماني
فضحكت تاني
قد ايه
كانت بسيطة زمان
طموحات والأحلام والأماني
تمانية ونص
بلم من الناس الأجرة
وكل يوم أقول
انا مش هساعد حد بكرة
وارجع اتدخل
عشان انا بحسب اسهل
لو كنت حسبتها بالعقل
كانت حياتي هتبقي أجمل
تسعه نزول
من أول مواصلة
هكمل باقي مشى
اصل الكهربا في دماغي فاصلة
واصل متأخر تعبان
وطالع عيني
بحاول ادخل بسرعة
قبل ما مديري يناديني
لكن ازاي تعدي
علي حارس حدود الشركة
حقاني ف كل حاجة
الا ف مصلحتك ووقتك انت
اخدت كلمتين
في جمبي حطتهم في الجيب
بحوش العتاب
اكتر ما بحوش الجنية
في ناس هنا احق منه
واحسن منه وأشطر
بيضحكوله ف وشة
ومحدش بيطيقة اصلا
بنقول تمام قادرين نعيش
بس العيون دي ما بتداريش
نستقوى اه ماننحنيش
لازم نداري
في ضعفنا
مستحملين
و لعله خير
وفي القلوب
شايلين كتير
من غير جناح
قادرين نطير
بس الحياة
بتهدنا
سابعه خلصت
وخلصت من شغلي الجميل
مع ان عقدي مكتوب فيه
خمسة بالكتير
سرحت في الشوارع
والناس اللي فيها تاهت
تهت في الأغاني
والأحلام اللي كانت
وفجأة الدنيا قامت
خناقة عالتسعيرة
سواق بيشخط ف الركاب
اكنه موصلهم جيميلة
ولا ألف ليلة وليلة
بس القصة دي هزيلة
زي الدرامة عندنا
مش بتعكس اللي فينا
لم نفسه و الركاب وقال
على الله التوكل
كل لما بمشي في الحياة
بحس روحي أتقل
بحس روحي أهبل
صدقت ناس غريبة
كنت فاكر نفسي أعقل
وكنت فاكر نفسي بفهم
اتلاهيت في فيديوهات بتقولي
ركز علي اللي جاي
عايز تنجح
هتنجح
طب قولي ازاي
عالم كدابة
نص المدعيين نجاح
ونص المدعين كئابة
الدنيا دار ابتلاء
بين
السؤال والإجابة
الدنيا دار ابتلاء
بين
السؤال والإجابة
ما انا عارف ده
فا لسة متبت في الحياة
كتير بني أدم ساكت
بس جواه اللي جواه
قولت أمان
قادرين نعيش
بس العيون دي مابتداريش
نستقوى اه و ماننحنيش
لازم نداري
في ضعفنا
مستحملين
ولعله خير
وفي القلوب
شايلين كتير
من غير جناح
قادرين نطير
بس الحياة
بتهددنا
تسعة بالتمام وصلت
لجراج الأحلام
هنا بس صاحب القهوة
اللي حياته ماشية لقدام
هنا دخان من غير لحمه
فوضي من غير زحمه
رهانات كتير خسرانه لكن
بغرابة الناس مسامحة
صالة كازينوا
شيبسي وساندوتش فينو
موضوع جدال جديد
لازم يوماتي نكون فاتحينة
عشان الليلة تطول
نقعد نجادل أكتر
نهرب في جدالنا سوى
بدل ما نجادل حد أكبر
أهي مسكنات
لصوت عتاب
بعيد مسموع
مش هعيط
حودة خلص من عيوني
كل الدموع
مطاريد كتير
هنا هربانين من غدر الدنيا
في اللي بيهرب عنده قسط
واللي بيهرب من ماضية
ف اللي خسر من الدنيا بست
والمسؤلية بتناديه
هنا بنهرب من الواقع
نهرب من المضارع
راح ما بين شفتين
أو جولتين
نرجع نصارع
وفي إيدنا إيه
قصرنا فيه معملناهوش
ده مفيش طريق
ف الدنيا إحنا
ماخدناهوش
راحتنا فين
دايخين عليها
مشوفناش
دنيا الكفاح
جريينا فيها
جري الوحوش
