رضاج يا دبي انكتب من رضاها
أم الشيوخ الوافيه بالبراهين
هند المروة فخر حامي حماها
رحمة من المولى وروز الموازين
من يومها والحق من مبتداها
تكرم ومن معروفها تمد وتعين
طيب المعاني نابعة من صفاها
تعطف مثل ضمة جفن مقلة العين
لو نجمع حروف الشعر في رجاها
ما وفت وكفت كرمها من الدين
درة عربها وكوكب في سماها
أم الشيوخ فدار حي الميامين
بو راشد اللي رميته ما خطاها
جاسم شبح مرماه بالحق جسمين
مكتوم واحمد يوم ربي عطاها
عين بها حمدان وسعيد في عين
فرسان يبرون العلل في ضحاها
وان صكت الحلقات للحسم وافين
للناس شمس تغيب فأول مساها
وحنا بأم راشد لنا نور شمسين
جميلها ما ينقصي ولا عطاها
فبلادها أو في جميع البلادين
رب كريم بالحشيمه كساها
ثوب الوقار تزينه راية الدين
