كلمات اغنية حبيتك على النيه - محمد بن غرمان


كيف استريح من الفراق
وانا علي الكون ضاق
مات الشغف والهم فاق
والوضع ماعاده يطاق
مدري حزن ولا اشتياق
تجاوز حدود النطاق

ليل الشتا زاد الحنين
اشكيك ياحزني لمين
او خلك بصدري سجين
لا يفرحون الشامتين
دنياي ماظني ماتزين
يالله وانت اللي تعين

وين الذرى والفيه
ونار المفارق حيّه
تتوقد بالحسرات

اقلوب الهواويه
من الشوق مبليه
ماترتاح لحظات

شف حالتي عقب الغياب
مالي سوى الذكرى زهاب
والهجر ملعون الثواب
عذاب في جوفه عذاب
ملامحي جاها اكتئاب
ومسامحك يوم الحساب

ماتكفي الضيقه سطور
كني محطة للعبور
اصبحت متبلد شعور
معذور لا منت معذور
اغواك حسنك والغرور
و تذكر الدنيا تدور

حبيتك على النيّه
وتاهت بي خطاويه
واجاهد العثرات

لو ارجع بماضيه
ماحبّيت موليّه
معاك انت بالذات

جيتك مطر يروي ثراك
ومالله على وصلي هداك
طاوعت عاذلك وهواك
واسمك بجوالي ملاك
خيّبت هقواتي معاك
وعرضتني درب الهلاك

وشلون بنسى شي فات
ذيك الصور والذكريات
وضحكتك ياعذب الشفات
زادت شتاتي مع شتات
احرمتني طعم المبات
وكم قلت احبك للممات

عيوني شقاويه
عن النوم منهيّه
من هموم واهات

خل المواجع ليه
ومسامر لياليه
قد خابت الهقوات

كلمات محمد بن غرمان