كلمات اغنية اللي تبيه - محمد بن غرمان


ترا التشابه وارد ابعض الوجيه
ولا اربعينك كذبة في ابريلها

هذا الجمال الي عيوني ترتجيه
ويل الصبايا من تلدك ويلها

المهره الي حيرت عقل النبيه
تجاوزت بنت الخيال وجيلها

ماكل مجهــول جوابه نهتديـه
اصلا حٰلاة الأسئــلـة تحليلها

هي وحدها عرش الحلا من تعتليه
كن الحلا مخلوق في تشكيلها

تاخد من اللي ودها واللي تبيـه
ومن التـرف كلا يبـي تدليـلها

كم نجمة تسأل وكم تنعاد ليه
كيف الضيا يشتاق وينادي لها

كيف العمر عدا وهي تضحك عليه
كيف ابتسامتها تخدر ليلها

مد الجمر لخدودها راحـة يديـه
لين الحيا وقدّ سنـا قنـديـلهـا

ما للعطر من ثغرها عطر شبـيـه
يفوح من نبض العروق اكليلها

كاس تـصبه من سوالفها و اتيـه
وش عاد لا فاض الحكي من نيلها

وش عاد نسناس الهوا لو تلتقيه
ميـاسـة كن الهبـوب تشـيلـها

مو حظها حظ الذهب لو تقتنيه
هذي ذهبها يحلم بـ تقبيلها

كلمات محمد بن غرمان