كلمات اغنية لوم المحبين - فلاح المسردي


الله يلوم اللي يلوم المحبين
مايدري ان الحب مر وحالي

ماشاف مثلي فالمحبه الامرين
وما ذاق حر الشوق وفراق غالي

ياصاحبي وين انت عني وانا وين
اشغلت تفكيري وعذبت حالي

خليتني مابين هم وسهر عين
بين الظروف وبين سود الليالي

اقدر ظروفك من الحين للحين
وانسى من ظروفي لاشفتك اقبالي

وانت تعرفني زين وانا اعرفك زين
وادري اني بعينك وقلبك لحالي

بيني وبينك فالهوى عشره سنين
فوق الكلام الواقعي والخيالي

راحت حياتي كلها بين نارين
ماعاد منها الا انت ياراس مالي

لا عاد تقسى لو قسى وقتك الشين
ماهو بصافي لك وهو ماصفالي

اغيابك يخليني اعيش مسكين
وحضورك يخليني اعيش والي

ماني بناقص هم واحزان تكفين
يكفيني اللي في حياتي جرى لي

حنا تعاهدنا على الشين والزين
ياعمري اللي راح واللي بقى لي

ترى وجودك في حياتي حياتين
وان مرني طاريك يرتاح بالي

باذكرك بكره وبعده وبعدين
ان الزمن من دون خلان خالي

يمكن اعاتب عشر مرات عشرين
اما اني انسى عشرتك ماطرالي

كلمات فلاح المسردي