مالوم قلبي فيك متمسك
من وجهك و مشيتك مع حسك
اغار لو كان الهوا مسك
ي الموت بـ اشكاله
وجهك مثل همال وسميه
من غيمة بـ ارض جنوبيه
ما شابها عجه ترابيه
من صفوة اهطاله
يا ويل عين شافت عيونه
وارموشه اللي ترسم اجفونه
حواجبه فالزين مقرونه
بالعيد واهلاله
خده مثل خد احدث اولاده
غرو عليه اخدود وراده
والجيد حاضن حدره اقلاده
يا حظ سلساله
مني و لو ما اجدوده اجدوي
زينه اصيل و منتج اسعودي
عطره جدور و عود كمبودي
يمناه واشماله
يكسر قوي القلب وايتله
للي يشوفه مقبل كله
يمكن يكره خل في خله
في لحظة اقباله
يا قبلة الحلوين ي انتيكا
عربان و اروبا مع امريكا
والصوت بين اشفاك مزيكا
امصيبه الحاله
انا عشقتك وانت عاشقني
لا فارقك والا تفارقني
ابيك فالدنيا توافقني
يا سلوة الداله
انا حبيبك ربه إِلاهك
يبغى رضاك و يكره اكراهك
لا مر من قدامه اشباهك
ما جو على باله
