يالله ترشــدنا على درب الفــلاح
وصعـب الزمــن تفكـنــا مشاكله
وتجعل مشاربـنــا من الجمـه قراح
ويبقـى حلال اللي نحــوش وناكله
وتمضي مراكبنا على خير وصلاح
لو كانـت الامــواج فيـهـا هايـله
وعسـى يذري عـن معاصيــر الرياح
عفوك وجودك يامنـجـي سايـله
واليا بقى ماغيـر توديـع المــراح
حسن الختــام يكون ختـم الزايله
ومــا راح راح وخـل مـا راح راح
لا تـرجي الـراحل ونفسـك راحلـه
والطـايـر اللي رازقـه ربـي جناح
ويبغى القفص راضي يعيش بداخله
ما تستثيره يــوم نسمات الصبــاح
ولا شوفــة الـوادي ولا مسـايـله
اقولها عـن جـد مـاهـي بالمزاح
والله صـف الريش ما يستــاهـله
