صوره لك فالبيت عندي
قدرها والله عظيم
كل ما سلهمت فيها
ما انام من الحنين
في عيونك حلم عاشق
وبحر شوق وريح ديم
فيها كمية لطافة
ماتكررها السنين
كنها تقول أدري إنك
دايم بعيني تهيم
ياترى هل دام حبك
باقي فعينك ثمين
قلت وبصدري تِنهّت
كل شيء بعدك سقيم
كل حاجه وسط بيتك
فانتظار انك تجين
انت نبضي وانت روحي
وانت حبك فالصميم
وانت نورٍ في ظلامي
وانت في قلبي يقين
لاتخليني لحالي
انا من بعدك يتيم
لاسئلوني الناس عنك
ينقلب جوي حزين
ضايق من البعد بعدك
يا انشراحي يالنسيم
ما على مثلك ملامه
وانت تدري كل حين
كل ما ناديت باسمك
ينكسر صوتي الكتيم
وانتظر لحظة مجيك
حتى لو تبطي سنين
كل زوايا البيت تنطق
باسمك الدافي القديم
والجدار اللي تخبره
كل يوم يقول وين
ارقد امن يا حبيبي
دام لك حب مقيم
الوفاء ما هو سوالف
الوفاء فعل يبين
ما أبي منك وعودك
ما أبي حب يتيم
كل ما أحتاجه وجودك
في عيوني تسكنين
