تمون لو تخطي علي تمون
خذ راحتك من كافها للكاف
لايابعد ناس علي يخطون
خطاك انيس وهم خطاهم جاف
فدا الكرز واللؤلؤ المكنون
فدا العيون وخدك الشفاف
فدا الرموش اللي تدك حصون
والشامه اللي جت على ميهاف
فدا الجمال اللي ماهو بالكون
عنق الغزال وحربة السياف
فدا الصباح اللي طلع من دون
ليل سدل وارخى على الارياف
ياالمترف المتكامل المزيون
عذبتني ياكامل الاوصاف
اشلون ماارحب لاجيت اشلون
ان كان مارحبت بي خلاف
انته مكانك في وسط العيون
رمش وطا والرمش ذاك لحاف
وقت يجيبك بالمطر مقرون
وقت ماجابك من سنين عجاف
تمون ياحبي علي تمون
خذ راحتك من كافها للكاف
