راحت حياتي حزن والقلب مجروح
جرح حملته والعواذل لي شهود
محد سأل عني وانا أضيق و انوح
طال السهر والناس من حولي رقود
امضيت عمري بين الاحزان مطروح
غرو غيابه ماهو سهود ومهود
جاه النصيب صرت جسم بلا روح
سجين بالذكرى مكلبش ومقيود
تايه فكر محتار انا وين ابا أروح
هاجر حبيبي صرت ضايع ومفقود
لا حسرة تنفع ولا كثرة البوح
الهم زاد وكل يومين في زود
قلي وش ينسيك ياغاية الروح
النفس ضاقت كنها جمر وحيود
عطره براسي وين ماأوجه يفوح
طاريه يغيب شوي وشويه يعود
طال الصبر حده وزادن الجروح
ياجعل أنسى من عشقته من عقود
